Davide Fratezi do të jetë lojtari më i ri i Interit. Konfirmimi erdhi direkt nga administratori i deleguar i Sasuolos, Xhovani Karnevali, i cili ishte në selinë e zikaltërve pasditen e djeshme për të sqaruar detajet e fundit së bashku me Marotën.

“A mund të themi se është bërë? Po, u bë, gjithçka u firmos pak më parë. Ne jemi absolutisht të lumtur, sigurisht që nuk ishte e lehtë, sepse kishte shumë klube të interesuara. Por me Interin përfundoi në mënyrën më të mirë për ne, por edhe për lojtarin që gjithmonë kishte shprehur preferencën e tij për zikaltrit. Ajo për Samuele Mulatierin ishte një negociatë tashmë duke u zhvilluar, ai është një djalë i ri tek i cili besojmë. Fratezi është një i ri italian me karakteristika të ndryshme nga lojtarët e tjerë. Interi ka bërë një nënshkrim të shkëlqyer dhe jam i bindur se do të mund ta shfrytëzojnë atë në mënyrën më të mirë të mundshme sepse është një talent i madh”, ka thënë në dalje të selisë zikaltër Karnevali, me të dhe Sasuolon që do të përfitojnë në total 36 milionë euro.

Për transferimin e mesfushorit si huazim me detyrim blerjeje, Interi do të paguajë 6 milionë euro për huazimin dhe 27 për blerjen përfundimtare plus 3 milionë që do të vijnë në formë bonusi. Në këtë shumë është i përfshirë edhe shitja e kartonit të Samuele Mulatierit, që është vlerësuar rreth 6-7 milionë euro. Ngelet ende për t’u konfirmuar klauzola që i siguron 10% të vlerës së rishitjes Sasuolos, ndërkohë që në llogaritë e Romës do të shkojnë 9.6 milionë euro, duke qenë se zotëronte 30% të kartonit të lojtarit.

AKORDI PERSONAL – Fratezi ka firmosur me Interin një kontratë 5- vjeçare gjatë së cilës do të fitojë 2.8 milionë euro në sezon dhe gjithë aventura e tij zikaltër ka marrë jetë dje në mbrëmje kur ka kryer vizitat mjekësore në Milano, me zyrtarizmin që pritet brenda dy ditëve. Edhe pse numri do të bëhet i ditur në ditën e prezantimit të tij, 23-vjeçari pritet të zgjedhë fanellën me numër 16, të njëjtën që kishte te Sasuolo.

PANORAMASPORT.AL

NDIQE LIVE "PANORAMA TV"

---