Pas dënimit drastik të klubit Skënderbeu nga UEFA, këtë herë është vetë FSHF që merr lajm të keq për Asamblenë Zgjedhore në FSHF, zhvilluar më 7 shkurt.

Burime zyrtare në Gjykatën e Tiranës i thanë “Panorama Sport” pak më parë se nuk i ka regjistruar zgjedhjet në Federatë, që rikonfirmuan Armand Dukën si president. Gjykata ka konstatuar shkelje me listën e anëtarëve që votuan më 7 shkurt.

Në këto kushte, Gjykata e Tiranës vendosi për të mos regjistruar vendimet e Asamblesë së 7 shkurtit, si për kreun e FSHF-së, ashtu edhe për anëtarët e Komitetit Ekzekutiv. Ndërkohë, kandidati rival i Dukës, Bashkim Fino, ka konfirmuar ankesën në KAS-in e Lozanës.

NDIQE LIVE "PANORAMA TV"

---