Fylkrug merr përmasa konkrete, Milani përgatit 3 goditje të tjera
Me t’u mbyllur marrëveshja e Moratas, Milani nuk është i kënaqur dhe dëshiron një tjetër sulmues: kuqezinjtë po punojnë shumë për Niklas Fylkrug, i cili është larguar gjithnjë e më shumë nga ideja për të qëndruar te Borusia e Dortmundit që kur Girasi kaloi testet mjekësore dhe për këtë arsye po përgatitet të bëhet zyrtarisht një lojtar verdhezi.Gjermanët kërkojnë 15-20 milionë euro për ta lejuar të transferohet, ndërkohë që emisarë të “Djallit” po mundohen të nisin një negociatë të mirëfilltë. Alternativa mbetet Tami Abraham i Romës, e cila megjithatë nuk është një profil që i ngroh shumë drejtuesit e Milanit që u lëndua përsëri. Përparësi për nënkampionët e Italisë është forcimi i mesfushës. Siç raporton “SportMediaset”, Jusuf Fofana ka qenë prej kohësh i zgjedhuri i kuqezinjve që tashmë kanë një marrëveshje me mesfushorin francez.
Ja që mungon pakti me Monakon, që ende synon të arkëtojë 25 milionë euro pavarësisht se lojtarit i ka mbetur vetëm një vit kontratë. Kështu po kërkohen alternativa dhe një hipotezë që po merr formë është epërsia që të çon te Lazar Samarxhiç: drejtuesit e Milanit kanë pasur kontaktet e para me babain menaxher të lojtarit serb, të cilin Udineze e vlerëson 20-25 milionë euro. Kostot për të dy janë të njëjta, prandaj fjala e fundit, përveç çmimit, mund t’i takojë Foneskës, i cili duhet të zgjedhë njërin syresh.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)