Postuar: Maj 13, 2024 | 19:56
“Hakmarrja” e Mërgjyshit, trajneri feston kualifikimin e Apolonisë ndaj Vorës: Ishim përgatitur për fitore
Trajneri i Apolonisë, Artan Mërgjyshi, nuk i ka fshehur emocionet pas kalimit në finale të “play off”- it.
“Ishte një fitore fantastike, ku djemtë tanë luajtën me zell dhe vendosmëri. Nuk u dekurajuan edhe pasi ishim në disavantazh. Presidenti u dha zemër në momentin që do të tërhiqeshim dhe pas rifillimit të lojës nuk u përmbajtën. Arritëm ta përmbysnim, sepse ekipi ishte i përgatitur moralisht dhe shpirtërisht për ta kaluar këtë tur, edhe pse na duhej vetëm fitorja.
Që në fillim e kishim përgatitur ekipin për fitore. Jam mjaft i kënaqur nga loja dhe veprimet e lojtarëve në fushë”, tha mes të tjerash trajneri i Apolonisë, Mërgjyshi.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)