Trajneri i Anglisë, Garet Sauthgejt ka deklaruar se tani nuk është koha për të marrë një vendim për të ardhmen e tij.Tre Luanët u mundën 2-1 nga Spanja në finalen e Euro 2024 në Berlin të dielën. 53-vjeçari Southgate, ka qenë në krye të skuadrës që nga viti 2016, por kontrata e tij aktuale do të përfundojë në dhjetor.

I pyetur për të ardhmen e tij, Sauthgejt tha për BBC: “Tani nuk është koha që unë të flas për këtë. Më duhet të flas me njerëzit e duhur dhe t’i jap vetes pak kohë.”

Ndërsa shtoi: “Të shkoja në një tjetër finale… ishte një privilegj.”

Nën drejtimin e  Sauthgejt, Anglia ka arritur në finalet evropiane, si dhe gjysmëfinalen e Kupës së Botës 2018 dhe tetë të fundit të Kupës së Botës 2022.

Ai u përball me kritika në Gjermani këtë muaj, pavarësisht se Anglia përparoi në fazën eliminatore si fituese e grupeve. Gotat plastike u hodhën drejt  Sauthgejt nga tifozët pas barazimit 0-0 me Slloveninë në fazën e grupeve.

“Lojtarët kanë një meritë të madhe që na çuan deri aty ku arritëm, por kur jeni aq afër, duhet të shfrytëzoni shansin tuaj”, tha  Sauthgejt për ITV.

“Ata e kanë përfaqësuar fanellën me krenari dhe nuk janë mposhtur deri në fund. Thjesht mendoj se Spanja kishte më shumë kontroll mbi lojën. Anglia është në një pozicion shumë të mirë për sa i përket përvojës që ka. Pjesa më e madhe e kësaj skuadre do të jetë në Botërorin e ardhshëm dhe ndoshta Euros së ardhshme. Ka shumë për të pritur, por në këtë moment, nuk është ndonjë ngushëllim.”

 Sauthgejt pranoi se ishte “e vështirë të reflektohej” për tetë vitet e tij në krye, por nuk ka dyshime se Anglia mund të jetë e suksesshme në turnetë e ardhshëm të mëdhenj.

“Sigurisht që të çonin Anglinë në dy finale nuk ishte arritur kurrë, por ne erdhëm këtu për të fituar dhe nuk ishim në gjendje ta bënim këtë”, shtoi ai.

“Anglia ka disa lojtarë të mrekullueshëm. Por ishte hapi i fundit që nuk mundëm të bënim.”

PANORAMASPORT.AL

NDIQE LIVE "PANORAMA TV"

---