I dhuroi fitoren Spanjës kundër Anglisë, Ojarzabal është sinonimi i golave në finale
Lamine Jamal e Niko Uilliams janë dy emrat më të përfolur të Spanjës. Dy xhevahiret e vegjël të Luis de la Fuentes kanë bërë për vete Europën mbarë me paraqitjen në Gjermani. Por ka pasur dhe nga ata që nuk kanë marrë lavdinë e dyshes Niko-Lamine. Pa folur për Rodrin, lojtarin më të mirë të “Euro 2024”-s apo kapitenin Alvaro Morata, duhet përmendur Mikel Ojarzabal. Kapiteni i Sociedadit ka qenë një armë plus për Spanjën e De la Fuentes. Me plot gola ai mund të cilësohet si një njeriu i ndeshjeve të mëdha, njeriu i finaleve. Ishte goli i tij katër minuta nga fundi që i dha triumfin “La Roja”-s në Berlin 2-1 kundër Anglisë dhe dhënë titullin e katërt europian Spanjës.
Por goli në finalen e “Euro 2024” nuk është i vetmi për Ojarzabal si lojtar profesionist. Në karrierën e tij si profesionist ai ka luajtur katër finale, duke lënë gjurmënë secilën prej tyre, tri me Spanjën dhe një me Sociedadin. Me klubin e tij ka shënuar në finalen e Kupës së Mbretit, ndërkohë që tri të tjerat janë me Spanjën. Ka shënuar në finalen e Lojërave Olimpike, ndonëse Spanja u mund në Tokio. Ka shënuar në finalen e Ligës së Kombeve në vitin 2021, ku Spanja u mund nga Franca 1-2. Por të dielën ka qenë vendimtar me golin në Berlin që i dha Europianin Spanjës.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)