Sipas Redi Jupit, ky sezon i Superiores, ka qenë mediokër. I ftuar në studion e “Procesit Sportiv”, në rolin e specialistit të futbollit, ish-mesfushori dhe ish-trajneri Jupi, ndër të tjera u shpreh:  

“Ne pak jemi të interesuar kush e fiton ndeshjen. Aman jemi të interesuar që të dyja skuadrat të përballen me potencialin maksimal dhe të kenë lojtarët më të mirë dispozicion. Mungesa e këtyre 3 lojtarëve sjell dyshime, nuk na bën mirë të flemë gjumë.  

Teuta-Tirana ishte një ndeshje që meritonte të kishte njerëz, por nuk i kishte. Në fund fare ta fitojë kampionatin ajo skuadër që e meriton. Ka qenë një kampionat mediokër, por të paktën në fund të na dalë fituesi i vërtet i kampionatit.

Në qoftë se Partizani e mund Tiranën me potencialin e plotë, hallall ta ketë, e njëjta gjë dhe anasjelltas. Në derbi shkojnë tifozët, nuk është meritë e asnjërit, se shkojnë tifozët. Puna është të mbushen stadiumet në ndeshjet e tjera”, deklaroi Jupi.  

PANORMASPORT.AL

NDIQE LIVE "PANORAMA TV"

---