Kampionati U-17/ Derbi i paratërinjve, Tirana shkatërron Partizanin
Është luajtur ditën e sotme java e 5-të e Kategorisë Superiore, për moshat U-17.
Në grupin A, padyshim vëmendja ishte te derbi Tirana-Partizani, që pritej me interes të madh. Bardheblutë kanë dal fitimtarë në këtë ndeshje, duke i shkatërruar të kuqtë me rezultatin 4-0. Karaj ishte padyshim njeriu i ndeshjes, teksa shënoi 3 herë për Tiranën, në minutat 28’, 36’ dhe 71’. Goli tjetër u shënua nga Ageja në minutën e 42’.
Në ndeshjet e tjera, Internacionali barazoi 2-2 me Shkodrën, Shënkolli triumfoi 1-0 ndaj Shkëndijës së Tiranës, Shkëndija e Durrësit fitoi minimalisht ndaj Laçit, ndërsa Briansi triumfoi 2-1 ndaj Vllaznisë.
Në grupin B, Pepa ka shkatërruar 6-1 Pogradecin, ndërsa Skënderbeu ka fituar 2-0 ndaj Besës.
Barazim spektakolar 4-4 kanë arritur Akademia e Futbollit dhe Apolonia.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)