Kastrioti vijon merkaton, afrohet Shaqir Stafa
Kur kanë mbetur më pak se 10 ditë nga starti i kampionatit, Kastrioti ende nuk ka marrë formë të plotë. Ekipi është i përgjysmuar, kjo si pasojë e zbritjes në një kategori më poshtë dhe problemeve që kanë shoqëruar ekipin. Ndërkohë që afrimi më i fundit në skuadër është Shaqir Stafa, i cili më parë ka qenë pjesë e Teutës. Një gjë të tillë e ka bërë të ditur shefi i klubit, Alban Vogli. Gjithashtu, nga sa mësohet, ai është në bisedime me 8-9 futbollistë të tjerë pjesë e Superiores. Trajneri i portierëve, Hasani, thotë se misioni në këtë kampionat do të jetë i vështirë, pasi krutanët janë të vonuar. “Boshti i ekipit është i përbërë me lojtarë cilësorë. Mirëpo, me afrimin edhe të 8-9 futbollistëve, ndoshta mund të flitet për objektiva”.
Sh.Dallaku
