Klubi i Serisë A kërkon Marash Kumbullën, zbulohet kushti i vetëm i verdhekuqve për transferimin
Marash Kumbulla është ende në pritje që të mësojë se cila do të jetë e ardhmja e tij, pasi te Roma duket se nuk ka hapësira për t’u vënën nën urdhrat e Daniele De Rosit. Lojtari është në shitje por oferta për ta blerë kartonin e tij për momentin nuk ka, pasi të gjithë duan ta shohin edhe një herë duke luajtur rregullisht.
Hipoteza më e mundshme, sipas mediave pranë klubit të Romës, është ajo e huazimit dhe një klub ka bërë një hap konkret. Bëhet fjalë për Parmën e cila synon që të përforcohet me lojtarë me eksperiencë për sezonin e kthimit në Serinë A, duke parë te Kumbulla një të tillë.
Parma ka kërkuar huazimin deri në fund të sezonit të lojtarit, pa të drejtë blerje, por me mundësinë e një transferimi nëse gjërat shkojnë ashtu siç shpresohet. Një hipotezë që tërheq edhe Romën, por e cila ka një kusht të panegociueshëm.
Klubi është gati ta lejojë huazimin falas, nëse Parma merr përsipër pagesën e plotë të rrogës vjetore të Kumbullës, e cila është rreth një milion e gjysmë euro. Në ditët në vijim negociatat mes palëve do të vijojnë, me Kumbullën që ka shprehur gatishmërinë të transferohet në një klub ku të mund të luajë rregullisht.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)