Bajern Mynih i Vinsent Kompani, ka nënshkruar me mbrojtësin Hiroki Ito nga Shtutgart. Japonezi do të jetë pjesë e bavarezëve deri më 30 qershor 2028. 

Ito hodhi hapat e tij të parë si futbollist në departamentin e të rinjve të klubit japonez të divizionit të parë Jubilo Iuata, ku mori kontratën e tij të parë si profesionist në vitin 2018. 

Ito luajti për Jubilo Iuata dhe Nagoja Grampus në një total prej 60 ndeshjesh në kampionat ku kishte 4 gola, përpara se të transferohej te Shtutgart për sezonin 2021/22. 

Ai regjistroi 97 ndeshje me Shtutgartin, duke shënuar dy gola, ndërsa me paraqitjet e tij tërhoqi vëmendjen e shumë klubeve të mëdha. 

🎙️ 𝟑 𝐅𝐑𝐀𝐆𝐄𝐍 𝐀𝐍 𝐇𝐈𝐑𝐎𝐊𝐈 𝐈𝐓𝐎 🎥#ServusHiroki #MiaSanMia pic.twitter.com/onsTkQT78b

— FC Bayern München (@FCBayern) June 13, 2024

Në qershor të vitit 2022, ai bëri debutimin e tij me Japoninë, për të cilën ai ka 19 paraqitje dhe një gol.  Ito luajti gjithashtu në Kupën e Botës 2022. 

PANORAMASPORT.AL

NDIQE LIVE "PANORAMA TV"

---