Ksavi Simons ka marrëveshje me Bajernin, Kimish nuk largohet
Prestigjiozja franceze, “L’Equipe”, bëri bujë këtë javë me një raport që thoshte se Bajerni ishte në prag të një përparimi në pistën “Simons”. Sipas këtij mediumi, skuadra e Mynihut është e përgatitur të paguajë deri në 90 milionë euro për lojtarin ofensiv.
Duket sikur një lëvizje nga Ksavi te rekordmenët e Gjermanisë po afrohet gjithnjë e më shumë. Sipas informacioneve të “AZ”, gazetari Maksimilian Kosh pohon se talenti holandez preferon qartësisht një lëvizje te bavarezët.
Marrëveshja me Xavi është vetëm çështje kohe? Në përputhje me spekulimet e vazhdueshme, vetë Simons foli dhe nxiti më tej thashethemet. Ai postoi një kartë zëvendësimi në “Instagram”, duke e bërë të qartë se së shpejti do të merret një vendim për të ardhmen e tij sportive. Sipas raportimeve, holandezi përjashton kategorikisht qëndrimin te PSG-ja. Megjithatë, Ksavi është i lidhur me parisienët deri në vitin 2027.
Parisi është gati ta shesë holandezin, por një transferim fiks është i mundur vetëm në verën e vitit 2025. Duke pasur parasysh prononcimet e mediave gjatë këtyre ditëve, gjërat tani mund të lëvizin shumë shpejt mbi të ardhmen e Simons. Ka tashmë një marrëveshje bazë mes Bajernit dhe lojtarit. Skuadra e Mynihut “thjesht” duhet të gjejë mekanizmat e duhura për të rënë dakort me PSG-në. Modeli i preferuar i bavarezëve do të ishte huazimi njëvjeçar me opsion blerje në vitin 2025. Përveç rekordmenëve, edhe Lajpcig është ende në garë. “Demat” shpresojnë për një tjetër hua.
VENDIMI I KIMISH – Shumë klube të Premier Ligës janë të interesuar për të nënshkruar me Joshua Kimish, por duket se futbollisti 29-vjeçar e ka marrë vendimin final mbi edicionin 2024-2025, do të qëndrojë në “Allianz Arena”. Gazetari italian Xhanluka Di Marcio pohon: “Unë nuk mendoj se Kimish do të largohet. Ai ka qenë i lidhur me klubet italiane dhe unë kam pyetur me ta, e vështirë për të që të largohet. Është lojtari perfekt për disa klube dhe mund të luajë në pozicione të ndryshme. Bajern nuk është i gatshëm ta lejojë zhvendosjen e Joshuas”, tha Di Marcio.
Kimish ka kontratë me bavarezët deri në verën e vitit 2025, ndërsa kostoja e tij sipas mediumit ekspert të “Transfermarkt” shkon deri në 50 mln euro.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)