Kthehet Frederik Veseli, titullar në surprizën e madhe të Kupës së Turqisë ndaj Gallatasarajit
Frederik Veseli ka lënë pas dëmtimet dhe duket se në pjesën e dytë të sezonit mund të jetë përsëri protagonist me fanellën e Karagumruk në futbollin turk. Mbrojtësi i Kombëtares shqiptare është kthyer sot titullar me klubin e tij, duke qenë pjesë e surprizës së madhe në Kupën e Turqisë.
Karagumruk luante sot në transfertë përballë favoritëve të turneut, Gallatasarajit, dhe shumëkush mendonte se ekipi i yjeve të qytetit të Stambollit do të ishte dominues në këtë sfidë. Por Karagumruk shënoi shumë shpejt golin e avantazhit me Markaon, që në minutën e 6, e më pas u mbrojt më rregull.
Prapavija, ku Veseli rreshtohej si mbrojtës i djathtë, u rezistoi mirë sulmeve të vendasve, ndërsa në fund Mendes shënoi edhe golin e fitores së papritur 2-0 në fushën e Gallatasarajit, që eliminoi këtë të fundit dhe çoi në gjysmëfinale skuadrën e futbollistit shqiptar.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)