“Kush mposht Marsejën dhe Liverpulin nuk është jofavorit”, Xhaka bën humor para duelit me Atalantën: Jemi të qetë se… dhuruam gjak
Granit Xhaka ka qenë një nga lojtarët e zgjedhur te skuadrës së Bajer Leverkusen për konferencën e fundit për mediat për ndeshjen ndaj Atalantës, finalen e Ligës së Europës që do të luhet në Dublin. Lojtari vjen në finalen e dytë ndërkombëtare në karrierë, pasi ka humbur një të tillë 4-1 në këtë turne përballë Çelsit kur vishte fanellën e Arsenalit.
“Finalet luhen për t’u fituar, nesër do të mundohemi ta bëjmë këtë gjë dhe të çojmë trofeun në Leverkusen. Pse nuk dukemi nervozë? Kemi dhuruar gjak sot në mëngjes”, tha duke qeshur Xhaka para gazetarëve.
“Kjo është finalja ime e dytë europiane dhe të parën e kam humbur. Ne jetë të ndodhin mundësitë e dyta dhe duhet t’i shfrytëzosh. Nuk mendoj se në finale ka skuadra jofavorite, kush mund Olimpik Marsejën dhe Liverpulin nuk e meriton një vlerësim të tillë. Nesër do të luajmë shanset tona dhe të shohim si do të shkojë”, tha mesfushori.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)