Legjenda Luka Modriç, një hap larg rinovimit me Real Madridin
Mesfushori Luka Modriç tani është shumë afër rinovimit për një tjetër sezon me ngjyrat e Real Madrid, e ardhur pas takimit me presidentin Florentino Perez.
Kroati synon ta mbyllë karrierën sportive me të “galaktikët” dhe presidenti ishte shumë i hapur për vazhdimësinë me lojtarin, e lidhur me statusin e tij si legjendë e klubit. Modriç, i cili do të mbushë 39 vjeç shtatorin e ardhshëm, ka qenë gjithmonë i gatshëm të vazhdojë në Madrid.
Është e vërtetë që këtë sezon ai priste një rol më të rëndësishëm dhe në një moment u ndie ‘i tradhtuar’ nga Karlo Ançeloti, por me kalimin e muajve zuri vendin e tij të ri në formacion. Këtë sezon Luka ka luajtur 43 ndeshje, në 22 prej tyre e ka nisur si titullar, duke shënuar dy gola dhe dhënë shtatë asistime.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)