Lineker, mesazh Federatës Angleze: Vetëm me Klopin fitojmë trofe
Legjenda e futbollit anglezë Geri Lineker ka një dëshirë për postin e lënë vakant të trajnerit në kombëtare. Kur Anglia humbi në finale kundër Spanjës (1:2), ish-sulmuesi ishte dëshmitar në Stadiumin Olimpik të Berlinit si ekspert për transmetuesin britanik “BBC”.
Ai duhej të shikonte se si një tjetër mundësi titulli u humb. Anglezët presin për një trofe të madhor, që nga Botërori i vitit 1966. Në një intervistë për “SPORT BILD”, Lineker është optimist:
“Me këtë skuadër, ata do të jenë gjithmonë ndër pretendentë për titull në tri ose katër turnetë e ardhshëm të mëdhenj. Ne kemi kaq shumë talent të fortë që vetëm sa do të përmirësohen. Nëse trokisni në derën e titullit kaq shumë herë, ai përfundimisht do të hapet. Kështu që unë jam i sigurt se Anglia do të marrë diçka. Na duhet pak fat. Këtë herë ne e patëm atë vetëm në gjysmëfinale në vendimin e penalltisë kundër Hollandës (faull i Dumfris kundër Kejn).
Gjërat ishin ndryshe, ne goditëm pjesën e brendshme të shtyllës në gjysmëfinalen e Kupës së Botës 1990”. Ai dyshon se trajneri anglez Garet Sauthgejt nuk ka gjasa të vazhdojë. Lineker ka një kandidat të qartë kryesor për kërkimin e një pasuesi:
TRAJNERI I RI – “Dorëheqja e Garet Sauthgejt më bën të kuptojë ftohtë se Jyrgen Klop është i duhur për Anglinë. Sigurisht që është e vështirë të imagjinohet një gjerman si trajner i jonë, por të gjithë e duan Klopin! Ai ka më shumë gjasa të bëhet president i Borusia Dortmundit. Trajneri më i mirë, njeri i shkëlqyer! Nuk i uroj asgjë përveç më të mirës”, tha Lineker.
Geri, i cili regjistron podkastin e rregullt “The Rest is Football” me Alan Shirer dhe Mikah Riçards, i vlerëson shumë arritjet e Sauthgejt edhe pa titull: “Ai ka fituar respekt të përjetshëm. Ai arriti të bëjë që anglezët të qëndrojnë përsëri pas ekipit të tyre. Kombëtarja është bërë një njësi. Ai ishte njeriu i duhur në kohën e duhur. Por lojtarët e rinj, më sulmues që kanë ardhur vitet e fundit nuk i përshtateten dhe ai nuk u përshtatet atyre”, e mbylli Lineker.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)