Liverpuli ka lënë pas një nga sezonet më të dobëta të viteve të fundit, pasi nuk ia doli të ishte rival për titullin e as të siguronte pjesëmarrjen në Ligën e Kampioneve. Një situatë që ka bërë që në klub të ketë një mini revolucion me afrime të rëndësishme, por edhe me largime me emër.

Në listën e atyre që prite t’u japin lamtumirën të kuqve është edhe një emër shumë i njohur, mesfushori Tiago Alkantara. Ylli spanjoll, dikur një pjesë e rëndësishme e planeve të Jurgen Klop, këtë vit nuk duket se do të ketë më rol qendror pas afrimeve të MakAlister dhe Szoboszlai.

Dëmtimet e vazhdueshme dhe kontrata që i mbetet edhe për një tjetër sezon ka bërë që qëndrimi i 32-vjeçarit në ”Anfield” të mos jetë më i sigurt. Klubi i Fenerbahçes ka shfaqur interes dhe mendohet se të gjithë palët janë të interesuara që transferimi të realizohet. Edhe pse nuk ka ende një ofertë zyrtare, transferimi i tij nga Liverpuli do të ishte zgjidhja më e mirë, duke pasur parasysh se bëhet fjalë për një lojtar me cilësi të jashtëzakonshme i cili nuk do të pranonte të qëndronte në stol vetëm për të përmbushur kontratën e tij.

PANORAMASPORT.AL

NDIQE LIVE "PANORAMA TV"

---