Lacio është në kërkim të lojtarëve për të forcuar skuadrën për sezonin e ri dhe një nga dëshirat e kryeqytetasve ishte Domeniko Berardi i cili prej vitesh mban veshur fanellën e Sasuolos duke qenë ndër më të dalluarit në Itali.

Por, Sasuolo kërkon 30 milionë euro për kartonin e tij dhe kjo shumë për Lacion është e papërballueshme. Vetë presidenti Klaudio Lotito e ka pranuar se shuma që kërkon Sasuolo është e lartë duke marrë parasysh moshën e lojtarit.

“Do të më pëlqente ta merrja Berardin, por Sasuolo po na kërkon mbi 30 milionë euro për dikë që është 30 vjeç dhe që kërkon gjithashtu një rrogë të lartë. Fillimisht dua të mendoj për të mos dëmtuar skuadrën”, u shpreh presidenti Lotito.

PANORAMASPORT.AL

NDIQE LIVE "PANORAMA TV"

---