Milan-Atletiko, tension mes palëve për Alvaro Moratën. Zbulohet arsyeja
Mediat spanjolle kanë raportuar prej disa ditësh për acarimin e Atletikos së Madridit bazuar në faktin se Milani vendosi të paguajë klauzolën 13 milionëshe në kontratën e Alvaro Moratas për ta veshur atë kuqezi.
Por situata duhet të tregohet mirë dhe me detaje, sepse realiteti i rrëfyer në Madrid është i ndryshëm nga si kanë shkuar gjërat. “Djalli” informoi homologët iberikë për interesimin e tyre për Moratën dhe i pyeti nëse ekzistonte mundësia për të negociuar për çmimin dhe mënyrat e pagesës, gjë që është krejtësisht normale në një negociatë.
“Los Colchoneros”, nga ana e tyre, i kërkoi italianëve 16 milionë për të rënë dakord për një pagesë në këste të shumës. Drejtuesit kuqezi, pasi mësuan qëndrimin e Atletikos, i njoftuan bashkëbiseduesit se do të vazhdonin me pagesën e klauzolës, duke treguar jo vetëm se nuk kanë asnjë problem për të përmbushur kërkesën e menjëhershme të spanjollëve, por edhe të ketë një soliditet të caktuar për sa i përket rrjedhës së parasë.
NËN URDHRA Alvaro Morata do të nisë stërvitjet në Milanello pas 5 gushtit dhe do të presë rikthimin e skuadrës kuqezi nga SHBA, të planifikuar për në 8 gusht, përpara se t’i bashkohet grupit. Prandaj ai do të jetë i disponueshëm si për trofeun e Berluskonit më 13 gusht kundër Monzas në “San Siro” ashtu edhe për hapjen e kampionatit kundër Torinos më 17 gusht, gjithashtu në “San Siro”.
REINOLD BAKALLI-PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)