“Mund të na bashkohen nëse heqin dorë nga ai projekt idiot”/ Lufta në distancë, Juvja i përgjigjet Al Khelaifit: S’na intereson
Një luftë në distancë ka nisur prej kohësh mes Al Khelaifit dhe Juventusit dhe kjo për shkak të projektit të Super Ligës Europiane.
Së fundmi, presidenti i PSG-së dhe numri 1 i Shoqatës së Klubeve Europiane (ECA) i ka ftuar dhe njëherë bardhezinjtë të bëhen pjesë.
“Nëse ata ndalojnë të bëjnë atë që unë e konsideroj një projekt idiot, do të jenë gjithmonë të mirëpritur”, ishte mesazhi i Al Khelaifit duke iu referuar Super Ligës, e cila mbahet “gjallë” pikërisht nga Juventusi, Reali dhe Barcelona.
Gjithsesi reagimi i “Zonjës së Vjetër” erdhi menjëherë, e cila duket se nuk ka hequr ende dorë nga ajo që quhet revolucioni i futbollit europian.
“Juventusi nuk është duke e vlerësuar mundësinë për t’u rikthyer te Shoqata e Klubeve Europiane për momentin”, shkruan klubi bardhezi në komunikatën e vetë zyrtare.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)