Postuar: Qershor 10, 2024 | 14:55
Ndodh për herë të parë në Spanjë, 3 tifozë dënohen me burg pas thirrjeve raciste kundër Viniciusit
Një ditë historike për futbollin spanjoll dhe për luftën kundër racizmit në fushat e futbollit.
Siç bën të ditur gazeta AS, sot janë dënuar 3 tifozë të Valencias për thirrjet raciste kundër Vinicius Zhunior, lojtarit të Real Madridit.
Ata u dënuan me 1 vit burg por iu reduktua për një të tretën në bazë të marrëveshjes në fazën paraprake, duke lënë dënimin efektiv për tre të pandehurit me 8 muaj burgim dhe shpenzime gjyqësore.
Për më tepër, të dënuarve do t’u ndalohet hyrja në stadiumet e futbollit ku luhen ndeshjet e La Ligës ose të Brazilit për një periudhë prej dy vjetësh. Është dënimi i parë i lëshuar në Spanjë për këtë lloj ankese raciste.
PANORAMASPORT.AL
NDIQE LIVE "PANORAMA TV"
![](https://www.panorama.com.al/sport/wp-content/static/klikoperkepanoramaonline.jpg)