Seria A ka vendosur që të vazhdojë me ndryshimet e rëndësishme. Nëse në sezonin e kaluar u eksperimentua kampionati me dy faza të përziera (radha e ndeshjeve të fazës së parë nuk është e njëjtë me atë të fazës së dytë), nga sezoni i ardhshëm e në vazhdim do të ketë dy ndryshime të rëndësishme duke nisur nga lufta për titullin kampion, ashtu sikurse në atë për rënien nga kategoria.

Për sa i përket luftës për kampionen e Serisë A, renditja e përzier, në rast pikësh të barabarta e cila përfshinte pikët në duelet direkte, golavarazhin etj. nuk do të ekzistojë më.

Gjithçka do të thjeshtohet dhe në rast pikësh të barabarta do të ketë një ndeshje shtesë, një finale teke, e cila do të luhet në fushën e skuadrës që në duelin direkt do të ketë avantazhin e pikëve në dy fazat, golavarazhit e kështu me radhë. Madje, në rast baraspeshe pas 90 minutave do të goditen direkt penalltitë (nuk do të ketë kohë shtesë). Ndërkohë, në rastin e rënies nga kategoria, do të ketë një dopio finale, me sistem vajtje ardhje.

PANORAMASPORT.AL

NDIQE LIVE "PANORAMA TV"

---