Nevojë në prapavijë, Milani kërkon në janar mbrojtësin e Çelsit ose atë të Arsenalit
Milani pret merkaton e janarit dhe për ta goditur si duhet, po mendon për një sërë emrash për mbrojtjen. Duke pasur parasysh dëmtimet afatgjatë të Kalulusë dhe Pelegrino dhe problemet e vazhdueshme fizike të Kjaerit, shtuar këtu së fundmi edhe problemet e Çaut, Milani do të detyrohet të kthehet në treg për të nënshkruar me një qendërmbrojtës të ri në janar.
Emrat që lidhen me kuqezinjtë janë të ndryshëm, ku mes tyre janë veçanërisht, Jakub Kivior i Arsenalit dhe Benua Badiashil i Çelsit, por dy klubet angleze do të duhet të tregohen të hapur për huazimin.
“Djalli”, njëkohësisht synon edhe Loid Kelin, kapitenin e Bërnmëthit, i cili, megjithatë, me siguri nuk do të lejohet të largohet në janar.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)