Aventura e Shqipërisë në Europian përfundoi në fazën e grupeve. Për kombëtaren dhe për çështje të ndryshme në kampin kuqezi foli specialisti i futbollit, Alban Tafaj në “Euro 24” të moderatores Trevisa Tufa, në News 24.
![Tafaj Josa](http://www.panorama.com.al/sport/wp-content/uploads/2024/07/Tafaj-Josa.jpg)
“Nota e Shqipërisë në Euro? Kjo skuadër ka bërë gjëra pozitive, na mblodhi të gjithë shqiptarëve atje, ishte grup ferri.
Peng kam vetëm ndeshjen e parë. Nëse do kishim guxim më shumë, do kalonim grupet. Prisja më tepër nga Broja. Mund të kishte kontribuar më mirë në ndeshjen e parë.
Sylvinho është një nga trajnerët e mi të preferuar. Silvinjo i duhet kombëtares. Rinovimi është në dorën e Sylvinhos, ka punuar, ka dashur të tregojë vlerat vazhdimisht.
Ambicia është e madhe te Franca, ka gati lojtarët më të shtrenjtë në treg. Besimi është rritur për arritjen e një objektivi. Deshamps ka gati 12 vite në pankinë dhe ai më mirë se kushdo tjetër, di të dërgojë skuadrën drejt një objektivi real. Franca pretendon të jetë finaliste.” – tha ai
PANORAMASPORT.AL