“Nuk dilet kampione me show në Facebook”, Klodian Duro: Ku janë fshehur drejtuesit e Vllaznisë?!
Vllaznia nuk arriti t’ia dilte për të shkuar në finalen e “Final 4”, teksa nuk shkoi më shumë se barazimi pa gola në “Air Albania” ndaj Egnatias.
Një eliminim ky që nuk ka lënë shije të hidhur vetëm te tifozët shkodranë, por edhe te ish-protagonistët që shkruan historinë me fanellën shkodrane. Një ndër ta është edhe Klodian Duro që ka reaguar në “Facebook”, pikërisht për eliminim e Vllaznisë në gjysmëfinale të “Final 4”.
Ndër të tjera Duro shkruan se nuk mund të dilet kampione me shoë Facebook-u, pa projekt apo duke u bërë thirrje tifozëve që të vijnë në stadium.
POSTIMI I PLOTË I KLODIAN DUROS:
Kampione dilet me projekt, pune, pasion, sakrifice, vendosmeri , loje te bukur dhe gola.
Nuk dilet kampione me fjale , pa projekt, me intervista me thirrje per tifozat (se ata vijne vete) me shoë ne facebook e zbukurime perpara ndeshjes me Egnatian e Rrogozhines.
Ku jane drejtuesit e Vllaznise ku jan fshehur?
Pse nuk dalin me nje kembe ti japin shpjegim e kerkojne falje te gjithe tifozave dhe Shkodranve qe aq shume e duan Vllaznine e qe kan 23 vite qe presin per te pare Vllaznin perseri Kampion !
Kampione dilet me kampiona, me projekt, pune dhe pa fjale (intervista). Kampion dilet ne qershor kur fillon puna per ndertimin e ekipit.
Kur zgjidhet kampioni i duhur si Trajner. Ai qe ka nje emer me peshe ne futboll e qe njeh qytetin, tifozat e mentalitetin e Vllaznis e Shkodres. Pastaj Trajneri zgjedh lojtaret sipas idese se tij te lojes qe do te zhvilloje ai me ekipin.
Ai zgjedh lojtaret me eksperience dhe qe kan dal kampione, pastaj lojtaret qe do mbajne peshe ne ekip dhe ne fund te rinjte e akademise te ekipit qe do fitojne eksperience por dhe do shtyjne perpara ekipin me vrullin e rritjes se tyre. Punuhet cdo dite me koken poshte per 11 muaj nga qershori ne maj qe kur te vij fundi te festojne te gjithe bashke. Drejtues, Trajner, staf, lojtare, tifoze, e gjith qyteti i Shkodres, femije te rritur e pleq te gjithe ata qe e duan Vllaznin me zemer.
I shkrujta te gjitha keto rreshta sepse e dua Vllaznin dhe Shkodren sepse i dhash edhe me dha aq shume dhe do ti jem mirenjohes gjith jeten. Te Vllaznia erdha si Kampion pasi kisha luajtur me pare me Elbasanin dhe Tiranen ku kisha fituar Kampionatin dhe Kupen pikerisht kunder Vllaznis !
Te Vllaznia erdha sepse me bindi projekti fitues i Presidenitit dhe mikut tim me pas te ndjerit Myftar Çela. Ai bente gjithcka per Vllaznin dhe Shkodren sepse ai ishte tifoz ne rradhe te pare dhe e dashuronte Vllaznin.
Me Vllaznin dolem Kampion, luajtem ne Champions League, kalum ne turin e dyte, shenova golat e mij te pare ne Evrope, luajtem me Gallatasarayn ku un u transferova pikerisht fale Vllaznise dhe tifozave shkodran.
Faleminderit Shkoder, Forca Vllaznia!
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)