Spanja tregoi fytyrën e saj të vërtetë kundër Kroacisë dhe Italisë, në dy ndeshjet e para në grupin B ku dhe siguroi kualifikimin dhe vendin e parë në grup.

Ndeshja kundër Shqipërisë ishte shansi për linjat e dyta të Spanjës, që gjithashtu treguan se janë gati dhe arritën të fitonin 1-0 falë golit të Ferran Torres. Por kundër kuqezinjve, Spanja tregoi dhe një tjetër anë të saj, të panjohur ndaj Kroacisë e Italisë. “La Roja” tregoi se di edhe të vuajë. Këtë e bëri duke mbajtur portën të pastër ndaj Shqipërisë për të tretën ndeshje radhazi. “La Roja” e mbylli fazën e parë të Europianit pa pësuar për herë të parë në historinë e saj, kjo falë edhe paraqitjes të shkëlqyer të portierit David Raja (Arsenal, 28 vjeç), të cilit iu desh të ndërhynte në katër raste, tre prej tyre pritje vendimtare që i lejoi ekipit të De la Fuentes të merrte një tjetër fitore me portën e paprekur. “

Unë besoj shumë në ligjin e tërheqjes”, deklaroi Raja pas ndeshjes kundër Shqipërisë. Dhe për çfarë u bë e famshme përmes librit “Sekreti”? Sipas mbështetësve të tij, mendimet e një personi shkaktojnë pasoja të ngjashme me atë që dëshirohet. Ose thuaj një mënyrë tjetër më sipërfaqësore, nëse dëshiron shumë diçka, ajo të transmeton energji që të ndihmon ta arrish atë.

“Unë kam menduar për shumë vite se do të jem në gjendje të jem në ekipin kombëtar,” argumentoi portieri i Arsenalit.

“Besoj se puna shpërblehet dhe më është dashur të punoj shumë për të qenë këtu. Është një ëndërr dhe me mendim pozitiv gjithçka mund të ndodhë”.

Raja iu bashkua kombëtares spanjolle falë Luis Enrikes në mars të vitit 2022 dhe debutoi pikërisht më 26 mars në Barcelonë kundër Shqipërisë (2-1). Që Ecuria e shkëlqyer e Spanjës në fazën në grupe në “Euro 2024” ka bërë që të gjithë të flasin për ekipin e Luis de la Fuentes. për më shumë akoma, janë shtuar gjithnjë e më shumë krahasimet me Spanjën e vitit 2008, ekipin e drejtuar nga Luis Aragones që nisi ciklin e artë të futbollit spanjoll me titullin europian e që kulmoi me Visente del Bosken, që fitoi një botëror (2010) dhe një tjetër Europian (2012).

Spanja futet në 1/8 e finaleve me autoritetin e tre fitoreve të saj, siç ndodhi 16 vite më parë dhe si atëherë, me një ndeshje të tretë në të cilën trajneri mundi të bënte rrotacion të plotë për të menaxhuar më mirë ngarkesën fizike të lojtarëve të tij. Kur flitet për titullin e vitit 2008 në Vjenës, nuk ka zë më autoritar se ai i Fernando Torres, heroit të Praterit, autorit të golit të fitores kundër Gjermanisë që varrosi 44 vjet zhgënjime. “El Ninjo”, ka shikuar prapa për të gjetur ngjashmëri të Spanjës aktuale me atë të vitit 2008.

“Ka disa ngjashmëri, siç është mungesa e të qenit favorit. Si lojtarët ashtu edhe trajneri, me zhvillimin e turneut shkëlqyen, entuziazmi pushtoi vendin, duke përfshirë tifozët dhe mediat. Sigurisht që kjo skuadër më kujton vitin 2008. Është shumë e ngjashme”, argumentoi Fernando Torres. atëherë ai nuk është larguar nga lista as me asturianin dhe as me De la Fuente. “Sekreti im është fokusi te vetvetja. kështu bëra dhe ndaj Shqipërisë, isha i qetë dhe i përqendruar maksimalisht në punën time dhe më vjen mirë që ndihmova ekipin”, tha Raja.

LEDJO SEFERKOLLI-PANORAMASPORT.AL

NDIQE LIVE "PANORAMA TV"

---