Pritet zyrtarizimi, portieri i Kosovës transferohet te klubi i ri në Premier Ligë
Arijanet Muriç nuk do të luajë në Championship në sezonin e ardhshëm, ndonëse ra atje me klubin e Bërnlit pas një sezoni në elitën e futbollit anglez. Portieri i Kosovës, ka gjetur akordin dhe do të vazhdojë të luajë në Premier Ligë, por tashmë me fanellën e Ipsuiç.
Sipas informacioneve nga mediat britanike, klubi i Ipsuiç ka vendosur të blejë portierin kosovar, duke paguar fillimisht 8 milionë paund në arkat e Bërnlit, me shifrën që mund të arrijë deri në 10 milionë paund nga bonuset e ndryshme.
Për portierin parashikohet që të kryhen vizitat mjekësore në ditët e ardhshme, para se të vijë firma në kontratën që mendohet se do të jetë katërvjeçare. Muriç luajti në 10 ndeshje në sezonin e kaluar me fanellën e Bërnlit në Premier Ligë, duke dhuruar paraqitje mjaft ë të mira dhe kjo ka bërë që Ipsuiç të interesohet dhe të blejë kartonin e tij.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)