Juventusi përballet sot me drejtësinë në Itali dhe Xhuzepe Kine, prokurori i Gjykatës Federale ka kërkuar që bardhezinjtë të dënohen me 11 pikë dhe 8 muaj pezullim për drejtuesit e përfshirë në parregullsitë e plus valencave.

Por, për bardhezinjtë pritet edhe më e keqja e mundshme, zbritja në Serinë B. Diçka të tillë e ka zbuluar gazetari Marçelo Kiriko i cili ka folur për dënimet e mundshme që bardhezinjtë mund të marrin, duke iu refeuar bisedave që ka pasur me avokatë dhe persona juridikë.

“Juventusi duhet të bëjë një ndryshim rrënjësor, duke filluar që nga drejtuesit e deri te magazineri i klubit. Është një vit që duhet harruar, për më tepër ekziston edhe mundësia që klubi të dënohet me zbritje në Serinë B. Është një hipotezë e mundshme”, shprehet Kiriko. Diçka të tillë, e ka kërkuar edhe prokurori Xhuzepe Kine për parregullsitë që Juventusi ka pasur me rrogat gjatë Covidit, por për këtë do të ketë një seancë të dytë gjyqësore.

PANORAMASPORT.AL

NDIQE LIVE "PANORAMA TV"

---