Qeveria jep 200 milionë lekë për akademinë në Durrës që ka lidhje me Mançester Sitin, por nuk është… Dinamo
Qeveria shqiptare ka miratuar sot me VKM një financim të rëndësishëm sportiv. Nga buxheti për sportin, është caktuar kalimi i një shume relativisht të lartë prej 200 milionë lekësh në llogari të “Durrah City Football Academy”.
Kjo është akademia të cilën shteti shqiptar ka ndërtuar dhe vënë në dispozicion për bashkëpunimin me Mançester Sitin dhe disa muaj më parë i caktoi edhe disa terrene për të ndërtuar ambientet e saj në Durrës.
Një investim i rëndësishëm për një projekt shumë ambicioz, i cili në fakt kishte tërhequr vëmendjen për shkak se klubi që mendohej se do të përfitonte nga lidhja me Mançester Sitin, do të ishte ai i Dinamo.
Por me VKM-në e fundit, bëhet e qartë se nuk ka asnjë ndryshim emërtimi për akademinë në fjalë, e cila nuk ka lidhje me blutë kryeqytetas, pavarësisht ndryshimeve që kanë bërë këta të fundit, duke u kthyer në Dinamo City.
![Faksimile e VKM](http://www.panorama.com.al/sport/wp-content/uploads/2023/12/sdfsdfsdfsdfsfdsfd.jpg)
Faksimile e VKM
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)