Reali i vë çmim Lunin, kërkon 30 milionë euro për portierin ukrainas
Reali i Madridit nuk ka ndër mend ta japë falas portierin e tij, Andrij Lunin. Sipas gazetës “Marca”, klubet që janë interesuar për të përmes agjentit të tij, Zhorzh Mendesh e dinë se kushdo që dëshiron të punësojë ukrainasin do të duhet të paguajë 30 milionë euro ose të paktën kjo është shuma që ka dalë në dritë.
Vetë Lunin e ka bërë të qartë se nuk ka ndër mend të qëndrojë nën hijen e Tibo Kurtuasë, pasi dëshiron një rol protagonisti. Ai e vërtetoi progresin e tij në sezonin e kaluar, kur e çoi Realin deri në finalen e Ligës së Kampioneve për t’ia lënë vendin titullarit belg.
Por këtë verë ai ka vendosur të ndryshojë duke i kërkuar agjentit të tij, Mendesh që të shohë për alternativa të tjera. Flitet shumë për Çelsin, por klubi anglez e ka të qartë se sa i duhet të investojë.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)