Sipas raportimeve të gazetës sportive italiane “Gazzetta dello Sport”, fituesi i Ligës së Kampionëve, Real Madrid thuhet se po kërkon transferimin e Mats Humels. Futbollisti 35-vjeçar u largua nga Borusia Dortmund në qershor pas gjithsej 13 vitesh, duke përfshirë një periudhë në Mynih.

Ndeshja e tij e fundit për verdhezinjtë ishte finalja e humbur e Champions-it kundër Realit. Tani ai mund të luajë për “Galaktikët”. Reali është ende në kërkim të një qendërmbrojtësi. Veterani Naço u largua nga klubi pas sezonit të kaluar. Pas “shtyllave” në prapavijë Antonio Rydiger dhe Eder Militao, sinjalet nuk janë aq pozitive.

David Alaba do të mungojë për disa muaj pas këputjes së ligamentit të kryqëzuar dhe do të rikthehet në ekip pas një kohë relativisht të gjatë. A është ky shansi për Humels? Që nga largimi i tij nga “Signal Iduna Park”, ka pasur zëra të përsëritur për Mats. Një lëvizje te Majorka ishte gjithashtu në plan. Qyteti bregdetar konsiderohet destinacioni i preferuar i udhëtimit për Humels dhe skuadra është në gjendje të konsolidohet në La Liga pasi u promovua disa vite më parë.

Megjithatë, Bolonja duhet të jetë ende përpara. Italianët përfunduan në vendin e pestë të kampionatit italian në edicionin e kaluar dhe do të luajnë në Champions vitin e ardhshëm. Bolonjezët thuhet se i ka bërë tashmë një ofertë konkrete Humelsit. Pas 442 ndeshjeve në Bundesligë, lëvizja jashtë vendit duket e pashmangshme për lojtarin 35-vjeçar.

PANORAMASPORT.AL

NDIQE LIVE "PANORAMA TV"

---