RENDITJA E SUPERIORES/ Laçi kalon Tiranën në katërshen e kreut, nga e para te e fundit janë vetëm 6 pikë diferencë
Starti i këtij kampionati në Kategorinë Superiore, ku të gjitha skuadrat po gabojnë dhe janë ende ndeshje të paluajtura të disa prej ekipeve nga javët e mëparshme, ka bërë që në mbyllje të javës së 7, tabela të dhurojë një tabllo të çuditshme. Si rrallëherë më parë, nga vendi i parë në të fundit ka vetëm 6 pikë diferencë.
Kreu mbetet përsëri me Egnatian në vendin e parë, e ndjekur nga Skënderbeu në të dytin. Pastaj vjen Laçi që u ngjit menjëherë nga vendi i parafundit në të tretin falë suksesit të sotëm ndaj Tiranës, teksa arriti pikërisht bardheblutë që kanë luajtur një ndeshje më pak.
Këto janë skuadrat që plotësojnë katërshen, të ndjekura nga Vllaznia e Partizani me 9 pikë si dhe Erzeni me 8. Ndërkohë, tre ekipet e fundit janë Teuta, Dinamo e Kukësi, që duhet theksuar se e mbyllën me rezultat pozitiv këtë javë duke ngjeshur më shumë klasifikimin.
JAVA 7 / REZULTATET
E DIEL (01.10.2023)
EGNATIA 0-1 TEUTA
SKËNDERBEU 1-0 PARTIZANI
E HËNË (02.10.2023)
KUKËSI 2-1 ERZENI
DINAMO 1-1 VLLAZNIA
E MARTË (03.10.2023)
TIRANA – LAÇI 0-3
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)