Për të dhënë deklaratën pas ndeshjes që Interi fitoi me rezultatin 4-2 ndaj Sasuolos, nuk u shfaq si zakonisht Simone Inzagi, por ndihmësi i tij, Masimiliano Farris, që bëri një analizë të momentin pozitiv që po kalojnë zikaltrit teksa ndër të tjera u shpreh:  

 

“Sasuolo është një ekip i fortë dhe na i desh të shpenzonim shumë energji. Patëm edhe fat kur shkuam për 3-0/ Pas golit të tretë, ekipi nuk duhej të kishte këtë rënie, por mendoj se ishte më shumë fizike se mendore.

Pas 11 humbjeve në kampionat ne i thamë njëri-tjetrit, se duhet të synojmë absolutisht që të shkojmë në Ligën e Kampionëve, dhe kjo ndodhi. Jemi në një pikë të mirë, por nuk kemi përmbushur gjithçka ende. Kemi një finale të Kupës së Italisë për të luajtur, por ajo e Ligës së Kampionëve do të ishte kurorëzim.  

Na kanë munguar lojtarë të rëndësishëm për rotacione, si Marcelo Brozovic. Dhe duke qenë të lidhur me mbrojtësit, dua të them që na mungon Shkriniar. Kemi gjetur një Darmian të jashtëzakonshëm, pastaj në një skuadër si Interi duhet të presësh Asllanin dhe Bellanovën, që sidoqoftë janë gati kur thirren”, deklaroi zv.trajneri i Interit.  

PANORAMASPORT.AL

NDIQE LIVE "PANORAMA TV"

---