Stefano Pioli ka folur në prag të ndeshjes ndaj Sampdorias në kampionat. Natyrisht, trajneri italian nuk mund ti shmangej as pyetjeve për eliminimin nga Championsi, duke u shprehur i keqardhur për mënyrën se si u larguan.

Ai është i bindur se Milani ka bërë mirë, por episodet në pjesën e parë të të dyja ndeshjeve, kanë qenë përcaktuese për fatet e finales.

“Zhgënjim i madh sepse objektivi është shumë i madh. E filluam në vendin e 32, përfunduam në top katërshe. Shpresoj që të kem më shumë mundësi të tilla në karrierën time. Po flas shumë me lojtarët e mi. Kemi bërë një rrugë ku ka më shumë suksese sa zhgënjime.

Diferenca u bë nga dy herët e para: në ndeshjen e parë pësuam dy gola, në ndeshjen e dytë, me pozicione të ndryshme, patëm tre raste të pastra, por nuk arritëm të shënonim. Është e kaluara, ne duhet të shohim përpara”, u shpreh Pioli.

PANORAMASPORT.AL

NDIQE LIVE "PANORAMA TV"

---