Simons hap “portat” për Bajernin, ja mesazhi i koduar i holandezit
E ardhmja e Ksavi Simons po merr përmasa e një “telenovele” të mirëfilltë. U raportua se holandezi i ri po planifikonte një vit tjetër me ekipin e Lajpcig, ku synimi është të vazhdojë të ketë një vend titullari fiks.
Megjithatë, për sa kohë që PSG-ja dhe “Demat” e Gjermanisë nuk kanë negociuar një marrëveshje tjetër (ndoshta në formën e një huazimi), Bajerni mbetet një kandidat i mundshëm.
MESAZHI I KODUAR – Simons ka shkaktuar edhe më shumë dyshime me një mesazh të fshehtë në “Instagram”: “Jo çdo derë e mbyllur është e mbyllur. Shtyje”, ka shkruar mesfushori me prirje ofensive në postimin e tij. Rrjedhimisht, e pamundur të thuhet nëse ai ka për qëllim derën e Bajernit, apo të një klubi tjetër. Megjithatë, disa përdorues të mediave sociale e interpretuan deklaratën si një referencë për një lëvizje të mundshme në Mynih.
Ose më mirë si një kërkesë për bavarezët për të bërë më shumë presion në përpjekjet e tyre të transferimit. Ksavi më parë kishte bërë bujë me një postim misterioz. Para disa ditësh ai postoi një simbol nga loja me letra “Uno”.
Derisa mungon një prononcim zyrtarë i lojtarit apo agjentit të tij, mbetet shumë e vështirë për të deshifruar se cilin fanellë do të veshë në edicionin e ri talenti holandez. E paqartë është gjithashtu nëse bordi bavarez aktualisht është 100 për qind serioz në lidhje me Simons, apo ata kanë prioritet transferimin e Dezir Doje.
Në ndryshim nga Mishel Olize, francezi i ri nuk ishte në gjendje të linte një përshtypje të madhe në “Lojërat Olimpike” dhe ka bërë vetëm dy prezenca si zëvendësues në dy ndeshjet e para.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)