Pas largimit të portierit titullar, Bojan Zogoviç, klubi shkodran ka zhvilluar bisedime me disa portierë brenda Shqipërisë dhe jo vetëm. “Panorama Sport” ka raportuar se Aldo Teqja është një alternativë serioze për të veshur fanellën kuqeblu, por mësohet se pas bisedimeve që kanë bërë drejtuesit, portieri kryeqytetas ka lënë gjithçka pezull, pasi ka ofertë edhe nga Dinamo.

Drejtori sportiv, Elvis Plori, ka kërkuar të “peshkojë” edhe në Kategorinë e Parë, aty ku si alternativë është nigeriani i Tomorit, Klement Boje. Burime jozyrtare tregojnë se një mundësi është edhe korçari Stivi Frashëri, i cili ka mbyllur kontratën me Ballkanin. Aktualisht kuqeblutë kanë të gatshëm Kristi Qarrin, i cili mund të jetë titullar në sezonin e ri.

PANORAMASPORT.AL

NDIQE LIVE "PANORAMA TV"

---