Sopoti me infrastrukturë moderne, në Librazhd bëhen gati për dy fusha të reja
Në Librazhd pritet që shumë shpejt të nisë puna për dy fushat e reja, që FSHF akordoi në kuadër të projektit “100 fushat”. Procedurat janë gati, kështu që pritet të nisë zbatimi i projektit.
Nga ana e Bashkisë Librazhd dhe zyrës së projekteve në këtë bashki është bërë si fillim regjistrimi i pronës në inventarin e bashkisë si terren sportiv dhe është regjistruar në kadastër. Është bërë studimi i fizibilitetit dhe të gjitha punimet topogjeodezike në interes të planit të rilevimit për ndërtimin e këtyre dy fushave. Për të parë nga afër të gjitha punët që Bashkia Librazhd ka bërë deri tani, zv.presidenti i FSHF-së, Arben Dervishaj, ka zbritur në terren së bashku me kryebashkiakun Disha.
Pritet që në javët në vijim të nisë puna për sistemimin dhe nivelimin e të gjithë terrenit ku do ndërtohen fushat. Deri nga fundi i vitit, ky projekt kaq i rëndësishëm për një qytet të vogël si Librazhdi do ketë marrë jetë dhe do jetë në shërbim të sportit, por jo vetëm.
LEDION QOSHKU-PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)