Stërvitjet e para, Kompani mjekon “thembrën e Akilit” te bavarezët
Humbja e titullit nga Bajern Mynih në edicionin 2023-2024 duket se ka shërbyer për mirët te rekordmenët e Gjermanisë. Në vigjilje të fazës përgatitore, kanë mjaftuar disa seanca që mediumi prestigjioz, “TZ”, të evidentojë skemat dhe teknikat që stafi i Kompanisë po përpiqet të ndikojë te grupi.
VRAPIM ME TOP – Nëse në edicionin e shkuar faza e ngrohjes së lojtarëve në stërvitje realizohej me vrapim më të lehtë, kësaj radhe Kompani ka futur element shtesë, kontakti më topin, çka i bën më konkret në pasime. Trajneri i atletikës, Bram Girs, po e integron thuajse në çdo stërvitje këtë skenarë. Përqendrimi dhe saktësia janë komponentët bazë.
REZISTENCA – Visent Komapni i kërkon ekipit të jetë në gjendje përballojë presionin dhe të mbajë një temp të qëndrueshëm. Më shumë kilometra të përshkruara nga lojtarët. Pikërisht gjatë edicionit të shkuar bavarezët e kanë vuajtur presingun e rivalit dhe kanë pësuar gola lehtësisht.
GODITJA – Mungesa e saktësisë para portës mike ndëshkoi jo në pak raste Bajernin. Leroi Sane la shumë për të dëshiruar. Por ky sektor është një “kantier ndërtimi” te klubi nga Mynih, me qëllim që pasaktësia në goditjen finale të minimizohet. Nisja e Bundesligës do gati edhe një muaj, por duket se Bajerni e ka marrë shumë seriozisht ringritjen, jo vetëm në futbollin gjerman, por edhe në Europë.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)