“Panorama Sport” ju sjell momentet pikante të ndeshjes Partizani-Oriku, e cila nuk u transmetua në televizion.

– Një ndeshje e “vdekur” sa i përket atmosferës, pasi në stadium nuk kishte më shumë se 50 spektatorë.

– Nuk kanë munguar as batutat nga të pranishmit e paktë në këtë ndeshje: “Mister Kolela, sei grande”, “Alban, kapitano, e tregove veten sot”.

– Kolela, sa herë shihte grintë te lojtarët e tij nuk reshte së përgëzuari, për më tepër kur bënin presing te kundërshtari.

– Pas shënimit të golit të parë, i cili erdhi pas një krosimi nga këndi i Carës, ky i fundit shkon edhe i jep dorën anësorit që ishte pranë tij në fundore. Më pas, kavajasi shkon ta festojë me shokët.

– Kolela tërbohet te zëvendësimet e Partizanit, pasi po vonoheshin shumë, ndërkohë që ai kërkonte të hynin në fushë sa më parë.

– Dy lojtarë të Partizanit e lanë fushën të dëmtuar, siç ishte rasti i Alfred Mensah. Nga ana tjetër, edhe Leart Zekolli lë fushën duke dalë me barelë nga loja në minutat e fundit të takimit dhe lënë skuadrën për pak çaste me 10 vetë për shkak se Kolela kishte konsumuar 5 zëvendësimet.

PANORAMASPORT.AL

NDIQE LIVE "PANORAMA TV"

---