Testi i parë miqësor, Vora surprizon Dinamon
U zhvillua ditën e sotme prej orës 18:30, në kompleksin e Dinamos në Arbanë miqësorja mes bluve të Dritan Mehmetit dhe Vorës. Ky test u fitua nga skuadra vorake me rezultatin 0-1.
Autori i golit që vendosi këtë duel ishte Narezzi. 20-vjeçari është në provë te skuadra e Bellait, teksa së fundmi ishte pjesë e Erzenit.
Edhe pse përballë kishte Dinamon, që këtë sezon militon në Superiore, skuadra e Vorës, arriti të tregonte forcë karakteri në këtë miqësore, ku në fund edhe triumfoi.
Griseld Lika, Segerso Geci, Evans Aneni, Manfredas Ruzgis dhe Dajan Shehi janë përforcimet e kryera deri tani nga vorakët, por në vijim priten të tjera goditje në merkaton e verës.
Objektivat e të dyja skuadrave në këtë edicion të ri futbollistik pritet të jenë madhore, si tek Dinamo ashtu edhe te Vora.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)