Tirana ka ndërmend të afrojë lojtarë cilësorë, por ata do të jenë vetëm shqiptarë, ose do të mund të luajnë si shqiptarë. Qenësia e gjashtë të huajve në skuadër ka vështirësuar shumë zgjedhjet e Shkëmbit dhe zyrtarëve të merkatos, të cilët duhet të jenë më selektivë.

Plani është që Tirana të bëjë edhe tri goditje të tjera që të jetë “top” për sezonin e ri. Kështu, është parë e udhës që skuadra të përforcohet në mbrojtje dhe sulm. Lojtarët do të jenë me peshë dhe nëse arrihet qëllimi ekipi me këto blerje do të jetë i kompletuar.

Nga titullarët e padiskutueshëm të sezonit të shkuar kanë mbetur vetëm tre lojtarë. Bëhet fjalë për Jonuzin, Përgjonin dhe Haxhiun. Të tre kanë luajtur mbi 2000 minuta në fushë dhe janë titullarët e padiskutueshëm. Shto këtu edhe Kozin, Metën, Micin dhe Abdullahun, të cilën luajtën, por jo më shumë sesa 1300 minuta.

PANORAMASPORT.AL

NDIQE LIVE "PANORAMA TV"

---