Tomas Myler, gati të marrë “poltronin” e Uli Hënesit në Mynih
Raportimet e fundit nga “Abendzeitung” i bëjnë jehonë faktit se bordi i Bajern Mynih po planifikon t’i besojë detyrë të rëndësishme Tomas Mylerit pas aventurës në futbollin.
Kontrata e sulmuesit 34-vjeçar i skadon në verën e vitit 2025, ndërsa vështrohet si momenti i duhur që Myler të “varë këpucët në gozhdë”. Ndikimi i Uli Hënes në “strehën” e bavarezëve është i madh, por duke se “trashëgimia” do të kalojë në duart e një tjetër ikone të gjallë në Mynih, konkretisht Tomas Mylerit.
Aludohet sipas mediumit të mësipërm se lojtari me origjinë nga Bavaria do të marrë pozitën e Hënesit. Është e vërtetë se protagonisti me numër “25” në “Allianz Arena” gëzon popullaritet te tifozët e klubit më të titullar në Gjermani dhe kjo manovër do të përqafohej lehtësisht. Pas rinovimit deri në vitin 2025, Myler tha se finalja e Champions-it do të jetë synimi madhor i mbylljes së kapitullit te Bajerni, e cila do zhvillohet në Mynih.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)