Tregu i transferimeve, Premier Liga pranë miliardit. Ja kush e kryeson listën
Edhe pse Kampionati Europian ka përfunduar së fundmi, klubet nuk kanë humbur kohë dhe tashmë kanë bërë lëvizjet e para.
Pritet që në pjesën e mbetur të tregut deri më 31 gusht të vazhdojnë të vijnë transferimet “big”. Për momentin, skuadrat e Premier Ligës kanë përfituar nga kjo periudhë dhe janë liga kryesore evropiane që ka shpenzuar më shumë deri më tani në merkato. Një nga shembujt e fuqisë ekonomike të ligës angleze është nënshkrimi i Leni Joro për Mançester Junajtid, ku “Djajtë e Kuq” kanë depozituar shumën prej 62 milionë plus 8 milionë në variabla për të marrë shërbimet e qendërmbrojtësit francez. Sipas faqes së internetit të “Transfermarkt”, Premier Liga është kampionati që ka shpenzuar më shumë për transferta, pasi kanë arritur deri në 980.92 milionë eurosh nga të gjitha skuadrat e saj deri në këtë pikë. Vendin e dytë dhe të tretë e zënë përkatësisht Seria A (475.57 milionë) dhe Bundesliga (401.73 milionë). Ligue 1 (267.29) dhe La Liga (172.44) janë lënë jashtë podiumit.
PREMIER LIGA Mançester Junajtid është klubi që ka investuar më së shumti para me një total prej 116.50 milionë euro, i ndjekur nga Aston Vila (100.85) dhe Brajhton (91.50). Deri më tani, nënshkrimi më i shtrenjtë është Leni Joro, i lartpërmendur për Mançesterin. Shifrat e transferimeve janë 62 milionë plus 8 në variabla në adresim të Lilë. SERIA A Juventus konsiston me klubin që ka paguar më së shumti në treg me 89.40 milionë euro, me “telenovelën” Douglas Luiz. Mesfushori brazilian ka qenë basti më i madh në merkaton e “Zonjës së Vjetër”, i ardhur nga Aston Vila e Unai Emeri. Ata pasohen nga Interi (64 milionë) dhe Atalanta (47.90 milionë).
BUNDESLIGA Skuadra e Bajern Mynih është shkaku që Bundesliga gjermane është në vendin e tretë. Nënshkrimet e Mishel Olize (53 milionë), Zhoa Palhinja (51 milionë) dhe Hiroki Ito (23.50 milionë) rritin në “qiell” shpenzimet e ligës. Anësori francez nga Kristal Palas përkon me nënshkrimin më të shtrenjtë në merkaton e verës.
LIGË 1 Kampionati Francez gjithmonë tenton të jetë në pozita të larta gjatë gjithë verës, për shkak të shumave të mëdha të parave që skuadra parisiani shpenzon gati çdo verë. Është ende herët për të folur, por me largimin e Mbapesë, PSG-ja duhet të lëvizë në treg. Ylli i tyre ka nënshkruar për Real Madridin me kosto zero dhe do ta kenë të vështirë ta mbështesin këtë humbje. Tani për tani ka shpenzuar vetëm 20 milionë euro dhe është në vendin e katërt. Olimpik Lion kryeson me 134.29 milion, i ndjekur nga Marseja (48.50 ) me zbarkimin e fundit të Mejson Grinud dhe Stad Renes. Transferimi më i shtrenjtë deri tani është Musa Niakhate te Lion, për 31 milionë euro.
LA LIGA Me gati 90 milionë diferencë në krahasim me Ligë 1, La Liga është në vendin e pestë të listës. Real Madridi pozicionohet i pari që ka shpenzuar më shumë miliona, edhe pse Kilë Mbape mbërriti falas te “Galaktikët”. Madrilenët ndiqen nga Betis (22.05) dhe Girona (17.50). Nënshkrimi më i shtrenjtë në La Liga është Endrik, i cili edhe pse i takon Real Madridit që nga dhjetori 2022 në këmbim të 35 milionë eurove plus 25 milionë në variabla, marrëveshja është bërë e vlefshme vetëm nga 1 korriku.
SAIMIR MBËRSI-PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)