Ronald Sobouale bën lëmsh futbollin mes Shqipërisë dhe Kosovës. Sulmuesi ikën nga Laçi dhe kthehet menjëherë, ndërsa fut në siklet dy klubet shqiptare. Lojtari prezantohet te Prishtina ditën e enjte, por më pas gjërat kanë ndryshuar.

Rekordmenët e futbollit dardan zgjodhën të postonin një kolazh me golat e 27-vjeçarit me Laçin dhe jo vetëm. Sulmuesi i lindur në Londër arriti të shënonte 9 gola një edicion më parë me Laçin në Superiore. Sulmuesi u huazua te Malisheva për Kupat e Europës, ku luajti në të dyja ndeshjet, por pa mundur të gjente rrugën e rrjetës, ndërsa teorikisht duhet të kthehej te Laçi.

Pas aventurës së shkurtër tek ish-ekipi i tij Malisheva, sulmuesi u zyrtarizua nga Prishtina. Gjithsesi, për pak, pasi pas një kohe të shkurtër bardhekaltrit kryeqytetas fshinë postimin nga faqja zyrtare e tyre. Më pas zbulohet se Sobouale është nën kontratë me kurbinasit dhe nuk mund të firmosë me ndonjë skuadër tjetër.

Kampionatin e shkuar, bardhezinjtë njoftuan nënshkrimin për 2 dy sezone me lojtarin me origjinë nigeriane që ishte shënuesi i katërt më i mirë i kampionatit shqiptar në sezonin e fundit, si dhe një nga lojtarët më të rëndësishëm tek ekipi i Armando Cungut. Te Prishtina reaguan duke fshirë postimin jo shumë momente, pasi kishin njoftuar tifozët për afrimin e qendërsulmuesit. Të shohim se çfarë do të ndodhë.

PANORAMASPORT.AL

NDIQE LIVE "PANORAMA TV"

---