UEFA zgjedh gjyqtarin e finales së Champions, cakton bashkëkombësin e Çeferin që u arrestua gabimisht për prostitucion dhe drogë
UEFA ka zgjedhur ata që do të jenë gjyqtarët e ndeshjeve finale të kompeticioneve ndërkombëtare për klube në këtë edicion dhe ka çuditur jo pak me emrin e caktuar për të drejtuar finalen e Ligës së Kampioneve. Ndonëse në listë ishin shumë emra të mëdhenj, institucioni i futbollit ka përzgjedhur sllovenin Slavko Vinçiç për të drejtuar ndeshjen mes Real Madrid dhe Borusia Dortmund në “Uembli”.
Gjyqtari 44 vjeçar slloven, duket se në vitet e fundit të karrierës ka marrë këtë vlerësim, ndonëse nuk shquhet si një prej atyre të cilëve u caktojnë ndeshje shumë të vështira. Në këtë edicion të Ligës së Kampioneve ka drejtuar Lacio-Atletiko Madrid 1-1, PSG-Milan 3-0, Napoli-Braga 2-0, Bajern-Lacio 3-0 dhe Borusia Dortmund-Atletiko Madrid 4-2.
Vinçiç është bërë protagonist i një historie shumë të veçantë në vitin 2020, kur në mes të pandemisë, ai u arrestua nga policia në një fermë në Suhjo Polje në Bosnjë Hercegovinë. Policia ndaloi të gjithë personat e pranishëm në ato momente në restorant dhe më vonë u mësua se kjo kishte qenë pjesë e një hetimi për trafik droge dhe prostitucioni. Vinçiç nuk kishte të bënte me atë çështje, thjesht bashkë me miqtë e tij kishte qenë në vendin e gabuar në momentin e gabuar dhe u la i lirë që atë natë nga policia boshnjake.
GJYQTARËT E FINALEVE
LIGA E KAMPIONEVE
REAL MADRID-BORUSIA DORTMUND
Gjyqtar: Slavko Vinçiç (Slloveni)
Asistentë: Tomazh Klançnik, Andrazh Kovaçiç (Slloveni)
I katërt: Fransua Leteksie (Francë)
Anësor rezervë: Siril Munje (Francë)
VAR: Nejc Kajtazoviç (Slloveni)
Asistent VAR: Rade Obrenoviç (Slloveni)
Mbështetje VAR: Masimiliano Irrati (Itali)
LIGA E EUROPËS
BAJER LEVERKUSEN-ATAL:ANTA
Gjyqtar: Istvan Kovaç (Rumani)
Asistentë: Vasile Florin Marinesku, Mihai Ovidiu Artene (Rumani)
I katërt: Ivan Kruzliak (Sllovaki)
Anësor rezervë: Branislav Hançko (Sllovaki)
VAR: Pol van Boekel (Holandë)
Asistent VAR: Katalin Popa (Rumani)
Mbështetje VAR: Rob Dieperink (Holandë)
LIGA E KONFERENCËS
OLIMPIAKOS-FIORENTINA
Gjyqtar: Artur Soares Dias (Portugali)
Asistentë: Paulo Soares, Pedro Ribeiro (Rumani)
I katërt: Glen Nyberg (Suedi)
Anësor rezervë: Mahbod Beizhi (Suedi)
VAR: Tiago Martins (Portugali)
Asistent VAR Kristian Dingert (Gjermani)
Mbështetje VAR: Marko Fritz (Gjermani)
PANORAMASPORT..AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)