VIDEO/ Belgjika kualifikohet me drithërima, Ukraina eliminohet edhe pse me pikë sa vendi i parë
Belgjika ka siguruar kalimin në fazën me eliminim direkt në Euro 2024, por ka vuajtur deri në sekondën e fundit përballë Ukrainës. Barazimi 0-0 ka kaluar belgët, por vetëm si të dytët në grup, duke sjellë një përballje me Francën në turin tjetër.
Ashtu siç pritej, ndeshja ka qenë shumë e kujdesshme nga të dy skuadrat, që ishin të vëmendshëm për të mos gabuar në këtë sfidë. Belgët kishin fillimisht iniciativën, ndërsa ukrainasit luajtën në kundërsulm. Por në fund, ata u hodhën përpara në kërkim të golit që mund t’i kualifikonte, duke iu afruar disa herë atij.
Gjithsesi, vërshëllima përfundimtare e gjyqtarit, solli barazimin 0-0 që nxori jashtë ukrainasit, edhe pse me 4 pikë, po aq sa Rumania e vendit të parë, vetëm falë një golavarazhi më të dobët.
UKRAINË-BELGJIKË 0-0
NGJARJET KRYESORE
90’+4’ Mbyllet ndeshja me barazimin pa gola.
90’+1’ Sudakov del në sulm dhe driblon në zonë, gjen hapësirën për të gjuajtur por tentativa e tij është e dobët dhe shkon në duart e Kastels. (VIDEO)
90′ Jepen 4 minuta shtesë.
90’ Lukaku lë fushën e lojës për Openda.
88’ Kundërsulm i shpejtë i belgëve, De Bryjn pason për Bakajoko i cili gjuan por çon sferën jashtë. (VIDEO)
86’ De Bryjn nis Lukakun në të djathtën, pasimi i këtij të fundit në qendër devijohet jashtë.
83’ Malinovski tenton golin nga goditja e këndit, Kastels shpëton portën në shtyllën e parë duke larguar sferën. (VIDEO)
81’ Jarmolenko merr vendin e Svatok në minutat e fundit të sfidës.
79′ Dovbik godet nga e djathta, sfera ndalet në rrjetën e jashtme të portës belge. (VIDEO)
77’ Bakajoko merr vendin e Doku në radhët e Belgjikës.
75’ Faes bën dy ndërhyrje radhazi duke ndalur sulmet e ukrainasve, sidomos pas një gjuajtje të Vanat shumë pranë portës. (VIDEO)
73’ Përsëri Karrasko është ai i cili rrezikon me një gjuajtje të fortë, Trubin grushton. (VIDEO)
70’ Jarmeçuk, Brazhko dhe Shaparenko lënë fushën e lojës për t’i bërë vend Vanat, Malinovskit dhe Stepanenkos.
69’ Dovbik ndëshkohet me të verdhë në radhët e Ukrainës.
67’ Karrasko ka menjëherë një mundësi për të rrezikuar portën por vonohet dhe pastaj gjuajtja e tij shkon lehtësisht te Trubin. (VIDEO)
62’ Karrasko dhe Mangala hyjnë në fushë në vend të Tielemans dhe Trosard.
57’ Mikolenko lë fushën i dëmtuar, Zinçenko merr vendin e tij.
52’ Doku nga e majta hyn në zonë dhe pason në qendër, sfera largohet nga mbrojtja.
46’ Asnjë ndryshim në radhët e dy ekipeve, nis pjesa e dytë e sfidës.
45’+4’ Mbyllet pa gola pjesa e parë.
45’ Jepen 4 minuta shtesë.
45’ De Bryjn teton përsëri në kufijtë e zonës, Trubin pret në pozicion. (VIDEO)
43’ Faes ndëshkohet me karton të verdhë.
42’ Rast i artë për ukrainasit me Jarmeçuk i cili shfaqet i vetëm në të majtën, pasimi i tij në qendër për Dobvik nuk gjen askënd. (VIDEO0
34’ Sudakov depërton në zonë pas një pasimi nga e majta dhe gjuan drejt portës, por çon sferën në duart e Kastels. (VIDEO)
33’ De Bryjn tenton portën direkt me një goditje dënimi, pa gjetur katërkëndorin e Trubin. (VIDEO)
27’ Një kundërsulm i shpejtë i ukrainasve sheh Dovbik të hyjë në zonë, kthimi i topit te Sudakov sjell një gjuajtje krejtësisht të gabuar të këtij të fundit. (VIDEO)
21’ Edhe Dovbik provon të bëjë të njëjtën gjë me një gjuajtje nga jashtë, pa ia dalë të çojë sferën në katërkëndor.
20’ Jaremçuk lëshon një gjuajtje të fortë nga distanca, sfera kontrollohet në dy kohë nga Kastels, (VIDEO)
19’ De Bryjn mundohet të nisë Lukakun drejt portës, sfera devijohet nga mbrojtja e vëmendshme ukrainase e cila nuk lejon hapësira.
13’ Dominim total në lojë i Belgjikës, e cila ka kthyer ukrainasit në gjysmëfushën e saj, duke kërkuar që të gjejë një gol të shpejtë.
7’ Lukaku shfaqet rrezikshëm në zonë, por portieri Trubin kontrollon gjuajtjen e tij të lehtë nga e majta. (VIDEO)
3’ Menjëherë në sulm ukrainasit të cilëve u duhet medoemos fitorja, një harkim nga e majta shkon direkt në duart e portierit belg.
1’ Nis dueli me shkelmimin nga qendra të Belgjikës.
FORMACIONET ZYRTARE
UKRAINA (5-3-2): Trubin; Mikolenko, Matvjenko, Svatok, Zabarnji, Timçik; Sudakov, Brazhko, Shaparenko; Dovbik, Jaremnçuk | Trajner: Serxhi Rebrov
BELGJIKA (4-3-3): Kastels; Vertongen, Faes, Teat, Kastanj; De Bryjn, Onana, Tielemans; Doku, Lukaku, Trosard | Trajner: Domeniko Todesko
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)