VIDEO/ Fund dramatik me dy gola në shtesë, Juventusi mund Monzën dhe merr kreun e Serisë A
Juventusi ka marrë sot kreun e renditjes së Serisë A me një fitore dramatike përballë Monzës në transfertë, në një fund të çmendur të sfidës ku u shënuan dy gola në shtesë.
Bardhezinjtë dominuan sfidën në pjesën e parë, ku humbën një penallti me Vlahoviç por pastaj shënuan shumë shpejt golin e parë. Më pas, ekipi i Alegrit kontrolloi me qetësi lojën, duke u munduar që të siguronte pikët e plota ndaj skuadrës që i kishte krijuar shumë probleme në edicionin e kaluar.
Dhe kur dukej se ndeshja po shkonte drejt fitores minimale të bardhezinjve, një harkim i Karbonit në zonë nuk u devijua nga askush dhe përfundoi në rrjetën e Sheznjit, Pa u shuar mirë festa, Juventusi ia doli të gjente golin e fitores, me Gatin i cili u kthye në bomber në zonën kundërshtare, duke vendosur fatin e sfidës në minutën e 94-t të saj,.
Kështu, Juventusi ngjitet në vendin e parë, duke kaluar me një pikë Interin i cili këtë javë ka një ndeshje të komplikuar përballë Napolit.
MONZA 1-2 JUVENTUS
Karboni 90’+2′ / Rabio 12′, Gati 90’+4′
RASTET KRYESORE:
90’+8’ Mbyllet ndeshja me fitoren 2-1 të Juventusit.
90’+4′ GOOOL JUVENTUS 1-2! Insiston Juventusi nga e djathta me Rabio i cili gjen Gatin. Ky i fundit gjen devijimin e duhur në zonë dhe kalon përsëri në avantazh ekipin. (VIDEO)
90’+2′ GOOOL MONZA! Karboni lëshon një harkim në zonë dhe nuk gjen asnjë devijim, me sferën që shkon në mënyrë të papritur në rrjetën e mbrojtur nga Sheznji. (VIDEO)
46′ Starton pjesa e dytë!
45+3′ Mbyllet pjesa e parë!
33′ Gati humbet një rast shumë të pastër, ku nga më pak se dy metra nuk goditi në portë. (VIDEO)
12′ GOOOL JUVENTUS 0-1! Rabio godet me kokë pas një krosimi nga goditja e këndit dhe ndëshkon Di Gregorion. (VIDEO)
10′ Vlahoviç niset nga pika e bardhë, por ndalet nga Di Gregorio. Topi rikthehet sërish te serbi, por Di Gregorio bën sërish heroin. (VIDEO)
1′ Starton sfida!
FORMACIONET ZYRTARE:
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)