VIDEO/ Goli dhe “shqiponjë”, Seferi bëhet hero në minutën e 94-t për t’i dhënë tre pikë ekipit
Taulant Seferi ka festuar më së miri kualifikimin me Kombëtaren në Euro 2024, teksa është kthyer si protagonist me ekipin e tij në kampionatin e Emirateve të Bashkuara Arabe. Sulmuesi kuqezi, ka qenë protagonisti i fitores 1-0 të Bani Jas në transfertë ndaj Hata.
Në një ndeshje shumë të komplikuar, ku ekipi i tij mbeti me 10 lojtarë në minutën e 60 të sfidës, Seferi u tregua vendimtar në fund me një kundërsulm vdekjeprurës. Në minutën e 94-t të sfidës ai u nis i vetëm drejt portës dhe nuk gaboi, duke shënuar golin e fitores 1-0.
SHIH VIDEIN
Një gol që e festoi me “shqiponjë”, i rrethuar më pas nga shokët e skuadrës të cilët e përgëzuan për një gol të rëndë me vlerën e tre pikëve. Ky ishte goli i tretë i Seferit në këtë kampionat, ku ka dhënë edhe një asist.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)