Sezoni i Liverpulit në Premier Ligë mund të ketë një fund të lumtur. Skuadra e Jurgen Klop nuk ka qenë thuajse asnjëherë protagoniste në këtë edicion duke lënguar larg zonës së Ligës së Kampioneve.

Por me rezultatet e fundit, ajo është bërë përsëri protagoniste dhe duke shfrytëzuar gabimet e kundërshtarëve, i është afruar ndjeshëm katërshes së parë. Fitorja e sotme ndaj Leisterit, e ka ngjitur në vendin e 5-të në renditje, me vetëm 1 pikë më pak se Mançester Junajtid dhe Njukasëll, por me në ndeshje më shumë të luajtur.

Dy gola nga 22-vjeçari Kërtis Xhouns në pjesën e parë dhe një goditje dënimi perfekte e Trent Aleksnder-Arnold në të dytën, i dhanë një sukses bindës 3-0 Liverpulit në këtë sfidë. Ndërkohë, rezultati fundos edhe më shumë “dhelprat” që pak vite pas surprizës më të madhe në historinë e Premier Ligës, janë shumë pranë rënies nga kategoria.

PANORAMASPORT.AL

NDIQE LIVE "PANORAMA TV"

---