Postuar: Mars 3, 2024 | 12:39
VIDEO/ Mesi dhe Suarez dhurojnë “show” në MLS, “pleshti” realizon në mënyrën e pazakontë
Inter Majemi ka mposhtur Orlando Sitin me shifrat 5-0. Lionel Mesi dhe Luis Suarez ishin protagonistët kryesorë duke shënuar nga një dygolësh.
Vendasit realizuan tre gola në pjesën e parë me Suarez që gjeti rrugën e rrjetës në minutat katër dhe 11 ndërsa asistoi në golin e tretë për Tejlor.
Në pjesën e dytë, “Pleshti” realizoi një gol me gjoks ndërsa në rastin e golit të dytë, shënoi në një mënyrë të pazakontë për të duke qenë se e dërgoi topin në rrjetë me kokë pas një harkimi të Suarez.
Me këtë fitore, Inter Majemi mban vendin e parë me shtatë pikë pas tre ndeshjeve të para të kampionatit.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)